პროფესიული მასწავლებელი, IT სპეციალისტი და ინჟინერი – ეს ლევან ღლონტია, რომელსაც ოზურგეთში ყველა იცნობს. ის კოლეჯ ”ჰორიზონტში” პედაგოგად მუშაობს, პარალელურად ეწევა IT საქმიანობას და არის სამოქალაქო მოძრაობა ”თავისუფლებისთვის” დამფუძნებელი წევრი.დატვირთული პროფესიული ცხოვრების მიუხედავად, ლევან ღლონტი ყოველთვის ახერხებს, იდგეს იქ, სადაც ქვეყნისთვის მნიშვნელოვანი საჯარო აქტივობები ხორციელდება.
ლევანი ამბობს, რომ მისი საჯარო აქტივობებს, იმ საზოგადოების მხრიდან, სადაც ის ცხოვრობს, უმეტესწილად დადებითი გამოხმაურება აქვს ხოლმე. თუმცა ერთი განსხვავებული შემთხვევა მაინც ახსენდება:
”ბავშვობის მეგობრებმა მომცეს შენიშნვნა, ლევან არ გეკადრება, ასეთი ტინგიცი, სერიოზული კაცი ხარ, პლაკატებით დგომა და რაღაცების ძახილი არ შეგშვენის. სხვა არ მახსენდება ვინმეს უარყოფით დამოკიდებულება გამოეხატოს. ან ერიდებათ ან უბრალოდ არ არსებობენ. პირიქით ხანდახან მეუბნებიან, ხოლმე რომ მათ გასაკეთებელსაც მე ვაკეთებ” – იხსენებს ლევანი ”გურიაTV”თან.
”მე, როგორც ყველა გურულს მაქვს ჩემი შეხედულებები გლობალურ პოლიტიკაზე. ვფიქრობ რომ დიდ პოლიტიკაში არ არსებობენ მტრები და მეგობრები, არსებობს გლობალური ინტერესები და ღირებულებები. ჩვენნაირმა ქვეყანამ აუცილებლად უნდა ნახოს მისი ღირებულებითი და ინტერესების შესაბამისი პარტნიორი. ჩემი აზრით, ყველაზე მეტად ამ ორი კრიტერიუმით ჩვენთან ყველაზე ახლოს არის დასავლეთი: ევროპა და ამერიკა. რუსეთი სრულიად გამორცხულია, ის ისტორიის არცერთ ეტაპზე არ ყოფილა ჩვენი პარტნიორი”. – ამბობს ლევან ღლონტი.
საქართველოს ევროინტეგრაციაზე და ევროპასთან ერთად საერთო მომავალზე ლევან ღლონტს საკმაოდ საინტერესო შეხედულება აქვს.
”მე ვერ წარმოვიდგენ რომ შევედით ევროკავშირში და უნდა გავჩერდეთ. გადავკვეთეთ ფინიშის ხაზი და ავწიეთ დროშები გამარჯვების ნიშნად. ცივილიზაცია და პროგრესი არ ჩერდება, ჩვენ უბრალოიდ ამ ცილივიზაციის მატარებლებს უნდა დავეწიოთ და მათთან ერთად გავაგრძელოთ პროგრესი. რაღაცებში ევროკავშირის ქვეყნებს უნდა ავედევნოთ, რაღაცებში შეიძლება ჩვენც კი ვიყოთ ლოკომოტივი, გარკვეულ საკითხებში ერთად უნდა გავაგრძელოთ სვლა. გაჩერება არ შეიძლება. მოძრაობა არის თანამედროვე ეკონომიკის ფუნდამენტური პრინციპი. მყინვარივით ვერ გავჩერდებით, თერგივით უნდა ვიყოთ’‘ – ამბობს ლევან ღლონტი.
Loading ...