Novaya Gazeta-ს მთავარმა რედაქტორმა, დმიტრი მურატოვმა, რომელმაც გასულ წელს მშვიდობის დარგში ნობელის პრემია მიიღო, ნობელის მედალი 103,5 მილიონ აშშ დოლარად გაყიდა.
მიღებულ თანხას ჟურნალისტი გადასცემს UNICEF-ის საერთაშორისო დახმარების ფონდს უკრაინელი ლტოლვილი ბავშვებისა და მათი ოჯახებისთვის, რომლებიც რუსეთის შეჭრის შედეგად დაზარალდნენ.
დმიტრი მურატოვი ნობელის პრემიის ლაურეატი 2021 წელს გახდა “სიტყვისა და გამოხატვის თავისუფლების დაცვის ძალისხმევისთვის, რაც დემოკრატიისა და ხანგრძლივი მშვიდობისთვის ფუნდამენტური პირობაა”. მასთან ერთად პრემიერა ფილიპინელ ჟურნალისტ მარია რესას გადაეცა.
ომის დაწყების შემდეგ Novaya Gazeta აქტიურად აშუქებდა უკრაინაში რუსი ჯარისკაცების სამხედრო დანაშაულებს. თუმცა რუსეთში ომის ცენზურის პირობებში, როდესაც “ჯარისკაცების დისკრედიტაცია” აიკრძალა, Novaya Gazeta იძულებული გახდა, მუშაობა შეეწყვიტა.
აპრილის დასაწყისში ჟურნალისტს მატარებელში თავს დაესხნენ და წითელი საღებავი შეასხეს.
პირველ ივნისს, ბავშვთა დაცვის საერთაშორისო დღეს, მურატოვმა ნობელის მედალი აუქციონზე გაიტანა.
Loading ...