მსხვერპლით დასრულდა ავტოსაგზაო შემთხვევა თელავის მუნიციპალიტეტის სოფელ რუისპირში. შემთხვევის შედეგად, 40 წლის კაცი დაიღუპა.
ადგილობრივების ინფორმაციით, სოფლის ერთ-ერთ მოსახვევში შესვლისას, მსუბუქი ავტომობილის მძღოლმა საჭე ვერ დაიმორჩილა. მკვეთრი მანევრის გამო, ავტომობილი გადაბრუნდა და მძღოლი ქვეშ მოიყოლა.
სასწრაფო-სამედიცინო დახმარების ადგილზე მისვლამდე, დაშავებული გარდაიცვალა.
მომხდარ ფაქტზე დაწყებულია გამოძიება.
კომენტარები
Loading ...