ხელვაჩაურში, ჭოროხის შემოვლით გზაზე, ავარია მოხდა. ერთმანეთს მსუბუქი ავტომოვილი და სამგზავრო მიკროავტობუსი დაეჯახა.
თვითმხილველთა თქმით, ავარიის შედეგად დაშავებულები სასწრაფო დახმარების სამსახურმა კლინიკებში გადაიყვანა.
შსს-ს თქმით, ავარიის შედეგად არავინ გარდაცვლილა. ამ ეტაპზე ადგილზე მუშაობენ შესაბამისი სამსახურები – პატრული და სასწრაფო დახმარების ჯგუფი.
ავარიის გამო დროებით შეზღუდული იყო მოძრაობა ჭოროხის შემოვლით გზაზე.
ჭოროხის შემოვლითი გზით სარგებლობა მოქალაქეებმა მას შემდეგ დაიწყეს, რაც გზების დეპარტამენტმა ბათუმი-ხელვაჩაურის დამაკავშირებელი გზა სარემონტო სამუშაოების გამო ჩაკეტა.
კომენტარები
Loading ...