მსოფლიო ჩემპიონობისთვის ორი ოზურგეთელი მოჭიდავე იბრძოლებს

დღეს, ათენში 17 წლამდელთა შორის მსოფლიოს ჩემპიონატი დაიწყო.

ჩემპიონატი ბერძნულ-რომაული სტილით მოჭიდავეებმა გახსნეს.

მსოფლიოს ჩემპიონატზე ოქროს მოსაპოვებლად საქართველოს სახელით ათი მოჭიდავე იბრძოლებს. მათ შორის ორი ოზურგეთელი  – ერეკლე თავბერიძე (65 კგ) და ლაზარე გოგოტიშვილი (60 კგ).  მწვრთნელები – ძმები ზურაბიანები.

საქართველოს ნაკრების მთლიანი შემადგენლობა კი ასეთია: 45კგ – საბა აბაშიძე, 48კგ- გიორგი მუნჭავა, 51კგ- გიორგი აზნაურიშვილი, 55კგ- გიორგი ჩაჩუა, 60კგ- ლაზარე გოგოტიშვილი, 65კგ- ერეკლე თავბერიძე, 71კგ- გიორგი გოგელაშვილი, 80კგ- ლუკა მართიაშვილი, 92კგ- მამუკა ბიძინაშვილი, 110კგ- თემური სიმსივე.