საქართველოს ფეხბურთელთა ეროვნული ნაკრები 2026 წლის მსოფლიო ჩემპიონატის შესარჩევი ჯგუფური ეტაპის მესამე შეხვედრას ქალაქ ელჩეში ესპანეთის ეროვნულ გუნდთან ჩაატარებს. მატჩი 22:45 საათზე დაიწყება.
ჩვენ გუნდს შესარჩევ E ჯგუფში ჩატარებული 2 მატჩის შემდეგ 3 ქულა აქვს.
საქართველოს ნაკრებს ესპანეთთან შეხვედრისთვის ერთ-ერთი საკვანძო ფიგურა, ოთარ კიტეიშვილი დაუბრუნდა, რომელმაც სექტემბრის თამაშები ტრავმის გამო გამოტოვა.
ნაკრების ლიდერმა, ხვიჩა კვარაცხელიამ ტრავმის გამო საფრანგეთის ჩემპიონატის ბოლო ორი ტურის მატჩი გამოტოვა, თუმცა როგორც ვილი სანიოლმა განაცხადა, მისი ფიზიკური მდგომარეობით კმაყოფილია.
ევროპის მოქმედი ჩემპიონი საქართველოსთან შეხვედრას საკადრო პრობლემებით ხვდება. ესპანეთს მოახლოებულ შეხვედრაში ლამინ იამალი, როდრი, დინ ჰაუსენი, ნიკო უილიამსი, ფაბიან რუისი და დანი ოლმო ვერ დაეხმარებიან.
Loading ...