მსოფლიო ბაზრებზე საწვავი იაფდება – რა ფასებია საქართველოში

მსოფლიო ბაზრებზე საწვავის ფასი შემცირებას განაგრძობს. თბილისის დროით 12:00 საათზე, ბარელის ფასმა 101,2 დოლარი შეადგინა, ეს კი საშუალოდ 8 დოლარით ნაკლებია კვირის დასაწყისში არსებულ ფასთან შედარებით. 4 აპრილს ერთი ბარელი Brent-ის ტიპის საწვავი 108-109,2 დოლარის ფარგლებში ივაჭრებოდა.

ამასთან, მცირდება ფასი ამერიკულ ნედლ ნავთობზე. თბილისის დროით 12:00 საათზე WTI-ის საწვავი 96,58 დოლარი ღირს. კვირის დასაწყისში კი ბარელი ნავთობის ფასი 103-104 დოლარის ფარგლებში მერყეობდა.

რაც შეეხება საქართველოს, ავტოგასამართ სადგურებზე ფასის შემცირება არ შეიმჩნევა, გარკვეული კატეგორიის საწვავის ფასი კვლავ 4 ლარზე მეტია.

„სოკარის“ ავტოგასამართ სადგურებზე დღეის მდგომარეობით, 1 ლიტრი „პრემიუმის“ ფასი – 3.94 ლარია; „რეგულარი“ – 3.79; სუპერი – 4.05; ევრო-დიზელი კი 4.30 ლარი ღირს. რაც შეეხება დიზელს, მისი ფასი 4.10 ლარია.

„ვისოლის“ ავტოგასამართ სადგურებზე კი „დიზელენერჯის“ ფასი – 4.22 ლარს შეადგენს; „ეკო დიზელის“ ტიპის საწვავის ფასი – 4.43 ლარია. „ეკოპრემიუმი“ და „ევრო რეგულარი“ დღეის მდგომარეობით, 3.97 და 3.84 ლარი ღირს; „ეკო სუპერის“ ფასმა კი 4.09 ლარი შეადგინა.

„გალფის“ სადგურებზე, 1 ლიტრი „G-Force პრემიუმის“ ფასი 3.95 ლარია; „G-Force ევრო რეგულარი“ – 3.83 ლარი ღირს; 1 ლიტრი „რეგულარის“ ფასი – 3.75; ხოლო „სუპერის“ ფასი 4.09 ლარია. რაც შეეხება ევროდიზელსა და G-Force ევრო დიზელს, მათი ფასი 4.34 და 4.39 ლარია.

დღეის მდგომარეობით, „ლუკოილის“ ბენზინგასამართ სადგურებზე, „პრემიუმ ავანგარდი“ – 3.94 ლარი ღირს, „ევრო რეგულარი“ – 3.81 ლარი ღირს; „ევრო დიზელის“ ტიპის საწვავი – 4.28 ლარი ღირს, „სუპერი ecto-ს“ ტიპის საწვავის კი – 4.05 ლარია.

რაც შეეხება „რომპეტროლის“ ავტოგასამართ სადგურებს, დღეის მდგომარეობით, „efix ევროდიზელის“ ფასი – 4.25 ლარია; 1 ლიტრი „ევროდიზელი” – 4.17 ლარი ღირს; რაც შეეხება სხვა ტიპის საწვავს, „ევრო პრემიუმი“ – 3.96 ლარი; „ევრორეგულარის“ ტიპის საწვავი – 3.80 ლარია; ხოლო „სუპერის“ ტიპის საწვავი 4.12 ლარი ღირს.

www.bm.ge