გლობალურ ბაზარზე ნავთობის ფასი იზრდება. WTI-ის ტიპის ნედლი ნავთობის საერთაშორისო საორიენტაციო მაჩვენებელი 73.96 დოლარით განისაზღვრება, რაც ერთი კვირის ჭრილში 1.13%-იან ზრდაზე მიანიშნებს. რაც შეეხება Brent-ის ტიპის ნავთობის ფასს, ამ შემთხვევაში ზრდამ 0.76% შეადგინა და ბარელზე 76.51 დოლარს გაუტოლდა.
2025 წელს გლობალურ ბაზრებზე ნავთობის ფასის ზრდით დაიწყო, რაც, როგორც The Wall Street Journal-ი წერს, დაკავშირებულია ინვესტორების პოზიტიურ მოლოდინებთან. კერძოდ, მსოფლიო ბაზრებზე არსებობს მოლოდინები, რომ ჩინეთის ბაზარზე ნავთობზე მოთხოვნა გაიზრდება. ეს მოლოდინები დაკავშირებულია ჩინეთის ლიდერის, სი ძინპინის განცხადებასთან, რომ ქვეყნის ეკონომიკა „აღმავალ ტრაექტორიაზეა“.
ოფიციალური წარმოების შესყიდვების მენეჯერების ინდექსი კვირის დასაწყისში აჩვენებდა, რომ ჩინეთში ქარხნების აქტივობა, ზედიზედ სამი თვის ზრდის შემდეგ, მაინც დაბალ ნიშნულზე რჩება. სამ თვიანი ზრდის ტენდენციის ფონზე, გლობალურ ბაზარზე არსებობს მოლოდინები, რომ ჩინეთის მხრიდან მოთხოვნა კიდევ უფრო გაიზრდება, რაც მას მსოფლიოში (აშშ-ის შემდეგ) მეორე უმსხვილეს ნავთობის მომხმარებლად აქცევს.
„ბიზნესპრესნიუსი“ ავრცელებს ინფორმაციას თუ როგორ შეიცვალა საქართველოში საწვავის ფასები. მონაცემების მიხედვით, ბოლო კვირებში სხვადასხვა ბენზინგასამართ სადგურზე ფასები უცვლელი რჩება.
რა ღირს საწვავი ბენზინგასამართ სადგურებზე
Socar:
- ნანო სუპერი – 3.5 ლარი
- ნანო პრემიუმი – 3.11 ლარი
- ნანო ევრო რეგულარი – 2.95 ლარი
- ევრო 5 დიზელი – 3.07 ლარი
- ნანო ევრო 5 დიზელი – 2.98 ლარი.
Gulf:
- G-Force სუპერი – 3.55 ლარი;
- G-Force პრემიუმი – 3.15 ლარი;
- G-Force ევრო რეგულარი – 3.05 ლარი;
- ევრო რეგულარი – 2.95 ლარი;
- G-Force ევრო დიზელი – 3.13 ლარი.
Rompetrol:
- სუპერი – 3.58 ლარი;
- ევრო პრემიუმი – 3.19 ლარი;
- ევრო რეგულარი – 2.99 ლარი;
- Efix ევრო დიზელი – 3.20 ლარი;
- ევრო დიზელი – 3.10 ლარი.
Wissol:
- ეკო სუპერი – 3.54 ლარი;
- ეკო პრემიუმი – 3.14 ლარი;
- ევრო რეგულარი – 2.97 ლარი;
- ევრო დიზელი – 3.07 ლარი;
- ეკო დიზელი – 3.12 ლარი;
- დიზელ ენერჯი – 2.99 ლარი.
Portal:
- პრემიუმი – 2.99 ლარი;
- ევრო რეგულარი – 2.74 ლარი;
- ევრო დიზელი – 3.19 ლარი.
www.bpn.ge
Loading ...
