მჟავანაძე: მუნიციპალიტეტი მდინარე ნატანებზე კარიერების მუშაობის ნებართვას საეჭვო გარემოებებში გასცემს

ერთიანი ნაციონალური მოძრაობის ოზურგეთის ორგანიზაციის თავმჯდომარემ დავით მჟავანაძემ ბრიფინგი გამართა, რომელიც ოზურგეთში ე.წ. კარიერების მუშაობას ეხებოდა. მისი განცხადებით, ოზურგეთის მუნიციპალიტეტი ინერტული მასალის მოპოვებასთან დაკავშირებულ აუქციონს კონკრეტული კომპანიის პირობებზე მორგებით აცხადებს. ასევე, მჟავანაძის განცხადებით, მდინარე ნატანებზე ნაპირსამაგრი სამუშაოების ჩატარებაში მუნიციპალიტეტმა 300 000 ლარზე მეტუ დახარჯა და ახლა იმავე ტერიტორიის კვლავ კარიერების მუშაობის მიზნით გასცემს, რაც დაუშვებელია. მჟავანაძე საუბრობს სხვა დარღვევებზე და საეჭვო გარემოებებზე და პროკურატურას მოუწოდებს აღნიშნული საქმე გამოიძიოს, რადგან მისი თქმით, ეს პროცესი სისხლის სამართლის დანაშაულისა და კორუფციის ნიშნებს შეიცავს.