მჟავანაძე: "დროებითი მოთავსების იზოლატორში კარები ჩამოვარდა და პოლიციელი შემთხვევით გადარჩა"

“იმაზე რაც თბილისის საქალაქო სასამართლოში ხდება არ ვიცი უნდა ვიცინო თუ ვიტირო, ბარდაგი და ქაოსია ყველა მიმართულებით” _ წერს სოციალურ ქსელში ნაციონალური მოძრაობის ოზურგეთის ორგანიზაციის თავმჯდომარე დავით მჟავანაძე, რომელიც 19 ნოემბერს, რუსთაველის გამზირზე, აქციის დროს დააკავეს. მჟავანაძე და მასთან ერთად დაკავებული აქტივისტები რამდენიმე საათია მოსამართლის გადაწყვეტილებას ელოდებიან: “ჯერ იყო და დროებით მოთავსების იზოლატორში რომელიც მაქსიმუმ 15 კვადრატი იყო 30 კაცს მოგვინდომეს გამოკეტვა, მაგრამ იზოლატორის კარები ჩამოვარდა და პოლიციის თანამშრომელი შემთხვევი გადაურჩა ჯანმრთელობის მძიმე დაზიანებას. კრეატიულად მოაზროვნეებმა გადაწყვეტილება უმოკლეს ვადაში მიიღეს _ ჩამოვარდნილი კარები იქვე კედელზე მიაყუდეს და განგვიმარტეს, რომ ჩვენ დაკავებული ვიყავით და თუ იზოლატორიდან გამოსვლას შევეცდებოდით კანონის შესაბამისად დავისჯებოდით. იზოლატორში ჰიმნი რომ ვიმღერეთ და ეს კადრები ექსკლუზიურად მთავარმა რომ გაუშვა ეს კიდე ცალკე ამბავია. ამის შემდეგ ამიყვანეს პროცესზე სადაც რატომღაც მეგონა რომ ცოტა უკეთესი მდგომარეობა დამხვდებოდა, უკეთესის რა გითხრათ მაგრამ ვიღაც უცხო კაცზე კი მიმტკიცებდნენ გინდა თუ არა კადრებში რომ უცხო კაცს ვაკავებთ ის შენ ხარო. ჩემს კითხვაზე ის ვინც აკავებდა იყო თუ არა ის პოლიციელი ვინც მე დამაკავა პოლიციელმა განმიცხადა, რომ ვერ აღმოაჩინა კადრებში საკუთარი თავი, თუმცა, იმდენ კაცში სადღაც აუცილებლად იქნებოდა. იგივე პოლიციელმა დამიდასტურა, რომ მძღოლის უკან ანუ მანქანის მარცხენა მხარეს ჩამსვა, თუმცა მოგვიანებით მტკიცებულების გამოკვლევის პროცესში აღმოჩნდა, რომ კაცი რომელიც ჩამიდეს მანქანის არა მარცხენა არამედ მარჯვენა მხარეს ჩასვეს პოლიციის წარმომადგენლებმა. ამ მტკიცებულების შემდეგ გამიხარდა _ ვიფიქრე, მორჩა, გავმართლდი და ეგაა მეთქი, მაგრამ მოსამართლემ განგვიმარტა, რომ გადაწყვეტილების გამოსატანად ორი საათი სჭირდებოდა და 6 საათამდე გადადო პროცესი. 6 საათზე გამოვცხადდით პროცესზე მაგრამ უკვე ორი საათია მანდატური ცოცხალი თავით არ მიშვებს დარბაზის სიახლოვეს. ჩემი ინფორმაციით არც მოსამართლე არ ჩქარობს გადაწყვეტილების გამოტანას. მოკლედ ვარ ასეთ გაურკვეველ ვითარებაში და ველოდები მოსანართლე შინაგანი რწმენით რა გადაწყვეტილებას გამოიტანს , _ წერს მჟავანაძე