მოძრაობა „შეცვალე“ ივანიშვილისთვის სანქციების დაწესებას მოითხოვს

მოძრაობა “შეცვალემ” საპროტესტო აქცია გამართა პარტია „ქართული ოცნების“ თავმჯდომარის, ბიძინა ივანიშვილის ბიზნე-ცენტრთან და მოითხოვა მისთვის ფინანსური სანქციების დაწესება.

„ეს ერთადერთი გზაა, რომ მან უარი თქვას ოპონენტების დევნსა და ქვეყნის გადაყვანაზე რუსულ რელსებზე. მისი ქონების დაყადარება და სანქციების დაწესება ერთადერთი გამოსავალია. ის არ აპირებს ამ ქვეყნის მართვას დემოკრატიულად. მან ხელში ჩაიგდო სახელმწიფო სისტემის ყველა შტო, მათ შორის, სასამართლოც – ის არ აპირებს ხელისუფლების დათმობას არჩევნების გზით“, – განაცხადა „შეცვალეს“ წევრმა დიმიტრი ბიძინაშვილმა.

აქციის ათამდე მონაწილე ამავე შინაარსის ინგლისურენოვანი პლაკატებით ივანიშვილის ბიზნეს-ცენტრთან მივიდა. მათ საერთაშორისო პარტნიორებს მოუწოდეს მმართველი პარტიის ლიდერისათვის სანქციების დაწესებისკენ.