თბილის საკრებულოს შენობასთან მოძრაობა “გაბედეს” წევრები საპროტესტო აქციას მართავენ. ისინი კახა კალაძესთან შეხვედარს ითხოვენ, რომელმაც სულ ცოტა ხნის წინ შენობაში მთავრობის სხდომა გამართა.
ახალგაზრდებით თქმით, კახა კალაძე არის მოქმედი ხელისუფლების “გამპრავებელი” და “რუპორი”. მოძრაობის წევრების განცხადებით, ისინი ყოველთვის შეეცდებიან დისკომფორტი შეუქმნან როგორც მას, ასევე ხელისუფლების სხვა წარმომადგენლებს.
14 ნოემბერს პარლამენტმა პროპორციულ სისტემაზე გადასვლას მხარი არ დაუჭირა, რასაც პარლამენტს გარეთ პროტესტი, შენობაში კი ხმაური მოჰყვა. თამარ ჩუგოშვილმა ვიცესპიკერის თანამდებობა, ასევე საპარლამენტო უმრავლესობა რამდენიმე დეპუტატთან ერთად დატოვა. მათ შორის იყო მარიამ ჯაშიც.
მოგვიანებით, მმართველი გუნდი რუსთავის მაჟორიტარმა, გიორგი ბეგაძემ და ფრაქცია „ქართული ოცნება – კონსერვატორების“ სამმა წევრმა, ზვიად ძიძიგურმა, გიგა ბუკიამ და ნინო გოგუაძემ დატოვეს.
მას შემდეგ თბილისსა და სხვა ქალაქებში მუდმივად იმართება საპროტესტო აქციები. პარლამენტთან გამართულ ბოლო აქციაზე 28 ადამიანი დააკავეს.
„ქართულმა ოცნებამ“ განაცხადა, რომ 2020 წლის არჩევნები შერეული საარჩევნო სისტემით ჩატარდება, ასევე „ქართული ოცნება“ რიგ საარჩევნო ოლქში მაჟორიტარობის კანდიდატებს არ დააყენებს.
ოპოზიციამ კი განაცხადა, რომ არჩევნების „გერმანული მოდელით“ ჩატარებასთან დაკავშირებით კანონპროექტი შეიმუშავა.
imedinews.ge
Loading ...