მოცვის ექსპორტი გაიზარდა – ლიდერი ბაზარი რუსეთია

წელს, 6 თვეში საქართველოს ექსპორტი გაეზარდა.

2025 წლის პირველ ნახევარში ქვეყანამ მოცვის ექსპორტიდან $30.2 მილიონი მიიღო, რაც წინა წლის ანალოგიურ პერიოდთან შედარებით 11.1%-ით ზრდას ნიშნავს. საქსტატის მონაცემებით, გასაყიდად გატანილი მოცვის რაოდენობა 4 392 ტონას აღწევს, მაშინ როცა 2024 წლის 6 თვეში ეს მაჩვენებელი 3 953 ტონა იყო ($23.5 მლნ).

მიმდინარე წელს საქართველოსთვის მოცვის მთავარი საექსპორტო ბაზარი რუსეთია – რუსეთში გაიყიდა 4 077 ტონა მოცვი, საიდანაც ქვეყანამ $27.9 მილიონის შემოსავალი მიიღო. აღნიშნული მთლიანი ექსპორტის 93%-ს შეადგენს.

2025 წლის ტოპ-5 საექსპორტო ბაზარი მოცვისთვის:

• რუსეთი – $27.9 მლნ | 4 077 ტონა;
• პოლონეთი – $556 ათასი | 86 ტონა;
• სომხეთი – $441 ათასი | 61 ტონა;
• ნიდერლანდები – $425 ათასი | 63 ტონა;
• გერმანია – $427 ათასი | 52 ტონა.

საგულისხმოა, რომ რუსეთის ბაზარზე მოცვის ექსპორტი წლიდან წლამდე ზრდას განაგრძობს. თვალსაჩინოებისთვის, BM.GE ბოლო 4 წლის წლიურ სტატისტიკას გთავაზობთ.

რუსეთში გაყიდული მოცვის მოცულობები ასეთია (2021-2024):

• 2021 წელი – $5 მლნ, 867 ტონა;
• 2022 წელი – $7.6 მლნ, 1 276 ტონა;
• 2023 წელი – $ 19.4 მლნ, 3 241 ტონა;
• 2024 წელი – $24.2 მლნ, 4 268 ტონა.

რაც შეეხება იმპორტს, სტატისტიკის ოფიციალური მონაცემების მიხედვით, საქართველომ წელს, 6 თვეში $621 ათასის, 51 ტონა მოცვი შეიძინა. მაშინ, როდესაც გასული წლის ანალოგიურ პერიოდში 45 ტონა მოცვში $467 ათასი გადაიხადა. აღნიშნული მონაცემები ცხადყოფს, რომ საქართველოს მოცვის იმპორტი 13.3%-ით გაეზარდა. მთავარი იმპორტიორი ნიდერლანდებია, სადაც ქვეყანამ $615 ათასის 47 ტონა მოცვი იყიდა.

www.bm.ge