”მოფერება და წელზე ხელის შემოხვევა სცადა” – ლანჩხუთში პედაგოგი მოსწავლის მიმართ სექსუალური ქმედების ჩადენის ბრალით დააკავეს

ლანჩხუთის მუნიციპალიტეტის სოფელ ჩოჩხათში ფიზკულტურის პედაგოგი, 57 წლის მამაკაცი მოსწავლის მიმართ სექსუალური ქმედების ჩადენის ბრალდებით დააკავეს. შემთხვევა 7 ნოემბერს მოხდა. ჩვენი ინფორმაციით, მერვე კლასის მოსწავლე გოგონამ მომხდარის შესახებ კლასელებს უამბო. მათ კი საქმის კურში სკოლის დირექტორი ჩააყენეს.

არასრულწლოვნის ოჯახი ბრალდებულის მთელი სიმკაცრით დასჯას ითხოვს.

”7 ნოემბერს ჰქონდათ ფიზკულტურის გაკვეთილი, ეს შემტხვევაც სწორედ მაგ დღეს მოხდა. მოფერება და წელზე ხელის მოხვევა უცდია და დაემუქრა, რომ ეს ამბავი ჩემს შვილს არავისთვსი ეთქვა. მეორე დღესაც ჰქონდა იგივე გაკვეთილი, მაგრამ ბავშვმა ძალიან ინერვიულა და გაკვეთილზე შესვლამდე  მომხდარი კლასელებტან ს უამბო. ბავშვებმა სკოლის დირექტორთან თქვეს და უკვე მერე მეც შემატყობინეს მომხდარი. ჩემი შვილი ძალიან დიდ სტრესშია, ახლა მასთან ფსიქოლოგი მუშაობს” – განაცხადა არასრულწლოვნის დედამ.

57 წლის მამაკაცის მიმართ ძიება სისხლის სამართლის კოდექსის 138–ე მუხლით მიმდინარეობს, რაც გულისხმობს სამსახურეობრივი მდგომარეობის გამოყენებით სხვაგვარი სექსუალური ქმედების ჩადენას.