სახმელეთო ტრანსპორტის სააგენტოში ტექნიკური ინსპექტირების ცენტრების ასოციაციების წარმომადგენლებთან სამუშაო შეხვედრა გაიმართა, რომელზეც პერიოდული ტექნიკური ინსპექტირებასთან და ინსპექტირების პროცესის მონიტორინგთან დაკავშირებული საკითხები განიხილეს.
ცნობისთვის, მთავრობის საგზაო უსაფრთხოების ეროვნული სტრატეგიის მიხედვით, გასული წლის აგვისტოდან მოყოლებული მუშაობა მიმდინარეობს შესაბამისი ნორმატიული აქტების მომზადებაზე, რათა მოპედები და მოტოციკლები სავალდებულო პერიოდულ ტექნიკურ ინსპექტირებას დაექვემდებარონ.
კერძოდ, გეგმის თანახმად, საუბარია, რომ სახელმწიფომ L კატეგორიის ორთვლიანი სატრანსპორტო საშუალებების სავალდებულო პერიოდულ ტექნიკურ ინსპექტირებას დაქვემდებარებასთან დაკავშირებით შესაბამისი ნორმატიული აქტების პროექტები უნდა მოამზადოს. აქტების მომზადებისთვის სახელმწიფოს ვადა 2025 წლის ბოლომდე აქვს განსაზღვრული.
სააგენტოს წარმომადგენლებმა, მოწვეულ სტუმრებს პერიოდული ტექნიკური ინსპექტირების მიმართულებით დაგეგმილი სიახლეები, მათ შორის L კატეგორიის სატრანსპორტო საშუალებების სავალდებულო ინსპექტირებასთან დაკავშირებული ნორმატიული აქტის პროექტი და შესაძლო საკანონმდებლო ცვლილებებისთვის განსაზღვრული ვადები გააცნეს, საუბარი შეეხო ქვეყანაში ავტოსატრანსპორტო საშუალებების ინსპექტირებისას ე.წ. OBD (On-board diagnostics – ავტომობილის დიაგნოსტიკის სკანერი) სისტემის დანერგვის შესაძლებლობებსა და გამოწვევებსაც.
Loading ...