მოსკოვში, რევოლუციის მოედანზე როსგვარდიის სპეცმანქანაში “მოლოტოვის კოქტეილი” ჩააგდეს

2 მაისს საღამოს მოსკოვში, რევოლუციის მოედანზე მდგარ რუსული გვარდიის სპეც მანქანაში მოლოტოვის კოქტეილი ჩააგდეს, რის შემდეგაც მანქანას ცეცხლი გაუჩნდა.  დამწვარი მანქანის ფოტოები ტელეკომპანია REN-მა და გამოცემა Baza-მ გაავრცელეს.

ინციდენტის თვითმხილველმა “მედიაზონას” განუცხადა, რომ სპეცმანქანა „რამდენიმე წუთის განმავლობაში იწვოდა“, რის შემდეგაც ცეცხლი ჩააქრეს. გამოცემის მიერ მოპოვებული ვიდეოს მიხედვით, მანქანის წინა ნაწილი დაიწვა.

ეჭვმიტანილი დააკავეს. “მედიაზონა” ვიდეოზე დაყრდნობით წერს, რომ ორმა სამართალდამცველმა მამაკაცი სპეცმანქანასთან გაზონზე დააწვინა. Life იუწყება, რომ ეს იყო 45 წლის მოსკოვის მკვიდრი ვიტალი კოლცოვი, რომელსაც მანამდე ადმინისტრაციული პასუხისმგებლობა დააკისრეს „პოლიციელებისადმი დაუმორჩილებლობისა და აქციების გამართვისთვის“.

წყარო: meduza.io