მოსალოდნელია ამინდის მკვეთრი გაუარესება – დღევანდელი და მომდევნო დღეების პროგნოზი

გარემოს ეროვნული სააგენტოს ინფორმაციით, დღეს, 9 ოქტომბრის დღის ბოლოდან, 11 ოქტომბრის დღის პირველ ნახევრამდე საქართველოში მოსალოდნელია წვიმა, ზოგან ძლიერი, შესაძლებელია ელჭექი.

მათივე ცნობით, ასევე მოსალოდნელია სეტყვა, დროგამოშვებით ძლიერი ქარი, ზღვაზე კი 4-6 ბალამდე შტორმი.

„მოსალოდნელმა ნალექებმა შესაძლებელია საქართველოს მდინარეებზე წყლის დონეების მნიშვნელოვანო მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე მაღალი)“,- აღნიშნულია ინფორმაციაში.

რაც შეეხება ამინდის პროგნოზს დღევანდელ დღეს, დღისით –

9 ოქტომბერს ამინდი საქართველოში განპირობებული იქნება შავი ზღვის ჩრდილო-დასავლეთიდან შემომავალი გრილი და სამხრეთიდან გადმონაცვლებული თბილი ჰაერის მასების ურთიერთქმედებით.

საქართველოში მოსალოდნელია: დროგამოშვებით ღრუბლიანობის მომატება. დასავლეთ საქართველოს უმეტეს და აღმოსავლეთის ზოგიერთ რაიონში წვიმა. იქროლებს დასავლეთის მიმართულების ზომიერი ქარი, ზოგან დროგამოშვებით ძლიერი.

სოხუმი: წვიმა. ჰაერის ტემპერატურა: +22°.
ბათუმი: წვიმა. ჰაერის ტემპერატურა: +24°.
ქობულეთი: წვიმა. ჰაერის ტემპერატურა: +24°.
ქუთაისი: წვიმა. ჰაერის ტემპერატურა: +27°.
ზუგდიდი: წვიმა. ჰაერის ტემპერატურა: +26°.
ანაკლია: წვიმა. ჰაერის ტემპერატურა: +26°.
ოზურგეთი: წვიმა. ჰაერის ტემპერატურა: +26°.
ონი: წვიმა. ჰაერის ტემპერატურა: +24°.
გორი: წვიმა. ჰაერის ტემპერატურა: +25°.
ცხინვალი: წვიმა. ჰაერის ტემპერატურა: +24°.
თბილისი: უმეტესად უნალექოდ. იქროლებს ჩრდილო-დასავლეთის მიმართულების ზომიერი ქარი. ჰაერის ტემპერატურა: +27°.
მარნეული: უმეტესად უნალექოდ. ჰაერის ტემპერატურა: +28°.
რუსთავი: უმეტესად უნალექოდ. ჰაერის ტემპერატურა: +28°.
ახალციხე: უმეტესად უნალექოდ. ჰაერის ტემპერატურა: +27°.
ბორჯომი: უმეტესად უნალექოდ. ჰაერის ტემპერატურა: +27°.
ბაკურიანი: უმეტესად უნალექოდ. ჰაერის ტემპერატურა: +22°.
სტეფანწმინდა: წვიმა. ჰაერის ტემპერატურა: +18°.
თელავი: უმეტესად უნალექოდ. ჰაერის ტემპერატურა: +27°.