მომსახურების სააგენტოს ზოგიერთ სერვისზე ფასების გაზრდა იგეგმება

მთავრობის ინიციატივით, მომსახურების სააგენტო ზოგიერთ სერვისზე ფასი გაიზრდება. ამ ინიციატივას მთავრობა 10 ოქტომბერს, პარლამენტის ბიუროს სხდომაზე წარადგენს.

კანონპროექტის თანახმად, იზრდება რამდენიმე მომსახურების საფასური იზრდება. კერძოდ:

• სატრანსპორტო საშუალების რეგისტრაციის მოწმობის გაცემა − 35 ლარის ნაცვლად, 100 ლარი იქნება;
• ავტომობილის სახელმწიფო სანომრე ნიშნის ერთი წყვილის გაცემა − 35 ლარის ნაცვლად, 80 ლარი იქნება;
• ავტომობილის დაკარგული ან დაზიანებული სანომრე ნიშნის ერთი წყვილის აღდგენის ღირებულება კი 35 ლარის ნაცვლად, 80 ლარი გახდება.

მთავრობა განმარტავს, რომ მომსახურების სააგენტოს მიერ გასაწევი მომსახურებების საფასურების კორექტირება სააგენტოს შემოსავალს გაზრდის. მოსალოდნელი შემოსავლის ოდენობა დაახლოებით 40 მლნ. ლარია, რაც მთავრობის განცხადებით, როგორც მომსახურების სააგენტოს, ისე საპატრულო პოლიციის დეპარტამენტის ეფექტიანად ფუნქციონირებისათვის აუცილებელი ხარჯების დაფინანსებას მოხმარდება.