გაიცანით სალომე, ნუცა, თამარი და მარიამი, რომლებიც FLEX-ის 2024 წლის კურსდამთავრებულები არიან. მათ ერთი აკადემიური წელი გაატარეს ამერიკის შეერთებულ შტატებში, საიდანაც სულ ცოტა ხნის წინ დაბრუნდნენ.
სალომე New York-ში ცხოვრობდა, ნუცა Montana-ში, თამარი Missouri-ში, ხოლო მარიამი Vermont-ში. მათ FLEX პროგრამამ საშუალება მისცა სრულიად უფასოდ ესწავლათ ამერიკულ სკოლაში და ეცხოვრათ ამერიკულ ოჯახებში. დაბრუნების შემდეგ ისინი ცდილობენ თანატოლებს პროგრამის შესახებ ინფორმაცია გააცნონ და სხვა ახალგაზრდებსაც მისცენ ეს უნიკალური საშუალება.
“მომავალ ლიდერთა გაცვლითი პროგრამა “FLEX” ამერიკის მთავრობის მიერ დაფინანსებული პროგრამაა, რომელიც უკვე 30 წელია საქართველოში ფუნქციონირებს. პროგრამის საშუალებით არაერთ ქართველ მოსწავლეს, მათ შორის ჩვენც, უნიკალური შესაძლებლობა მოგვეცა. ერთი წლის განმავლობაში გავაცანით ქართული კულტურა ამერიკელებს და ასევე გავეცანით ამერიკული კულტურასა და ცრადიციებს.
2025 წლისთვის უკვე დაიწყო ფინალისტების შერჩევა. მონაწილეობა შეუძლია მე-9, მე-10 და მე-11 კლასის 2008 წლის 1 იანვრიდან 2010 წლის 16 ივლისამდე დაბადებულ მოსწავლეებს, რომლებიც ფლობენ ინგლისურ ენას.
შესარჩევი პროცესი რთული, თუმცა მეტად საინტერესო პროცესია. I ტურში შევავსეთ ონლაინ აპლიკაცია, რომლის ფარგლებშიც დავწერეთ 3 ესე საკუთარი თავის შესახებ. II ტური მოიცავს ინგლისურის ტესტს, ხოლო III ტურში გავიარეთ გასაუბრება, დავწერეთ კიდევ 3 ესე და დავძლიეთ ინგლისურის გაძლიერებული ტესტი.
რეგისტრაცია გრძელდება 26 სექტემბრამდე. შეგიძლიათ დარეგისტრირდეთ ქვემოთ მოცემულ ბმულზე და ჩვენს მსგავსად გაატაროთ ერთი წელი ამერიკის შეერთებულ შტატებში სრულიად უფასოდ. წარმატებებს გისურვებთ!”
https://ais.americancouncils.org/flex
Loading ...