„მომავალი კვირიდან საწვავის ფასს 5 თეთრით შევამცირებთ“ – „ვისოლის“ გენერალური დირექტორი

მომავალი კვირიდან „ვისოლი“ საწვავის ფასს დაახლოებით 5 თეთრით შეამცირებს, – ამის შესახებ „ვისოლის“ გენერალურმა დირექტორმა ვასილ ხორავამ „ბიზნეს ფორმულასთან“ საუბრისას განაცხადა.

„დეკემბრის დასაწყისში დავაანონსეთ, რომ 2-3 კვირის შემდეგ ფასების კლებას დავიწყებდით. მიმდინარე კვირის დასაწყისში საწვავის ფასი 5 თეთრით შევამცირეთ. ჩვენი დაპირება ძალაშია და მომავალი კვირიდან საწვავის ფასს დაახლოებით, 5 თეთრით შევამცირებთ. იმედს ვიტოვებთ, რომ ნავთობის ფასის 77 დოლარიანი ნიშნული დიდხანს არ შენარჩუნდება და კლებას დაიწყებს. ეს საშუალებას მოგვცემს, რომ საწვავის ფასები შემდგომ ეტაპზეც შევამციროთ“, – განაცხადა ვასილ ხორავამ.

შეგახსენებთ, მძღოლები საწვავის მაღალ ფასს დიდ ხნის განმავლობაში აპროტესტებენ. პროტესტის ერთ-ერთი, ყველაზე მწვავე, ფორმა მათ მიერ „ვისოლის“ ბენზინგასამართ სადგურებზე საწვავის ჩასხმაზე უარი იყო. 

წყარო: pia.ge