მომავალი ბიზნესის წარმომადგენლების გუნდი – ვორქლაბი – “რა კარგია განათლება”

საინტერესო ადამიანების ძიებას შევუდექი. დიდი ძალისხმევა არ დამჭირვებია ზუკა ანდღულაძის აღმოსაჩენად. იმ ლექციაზე შევხვდით, რომელიც ორივესთვის საინტერესო აღმოჩნდა. მასთან საუბრის დროს შევიტყვე, რომ ბავშვობიდან ბიზნესითაა დაინტერესებული და ყოველთვის ჰქონდა სურვილი, ფულს შეხებოდა. ამ სფეროში მიიღო, როგორც თეორიული, ისე პრაქტიკული ცოდნა, დააგროვა გამოცდილება და გადაწყვიტა თანატოლებისთვის გაეზიარებინა. გარშემომყოფებისგან მხარდაჭერა მიიღო და საქმესაც შეუდგა. 

ბიზნესის მენეჯმენტის ინტერესმა ზურას პროდუქტიული, საინტერესო და მრავალფეროვანი გუნდი შეაქმნევინა. შეკრიბა 30-ამდე ახალგაზრდა, რომლებსაც “ვორქლაბის” სახელით შევხვდებით. 

პირველ ეტაპზე მოიცავენ მხოლოდ მეორე საჯარო სკოლას, ცდილობენ მის ამ მხვრივ წარმოჩენასაც. სამომავლოდ თუ კი საჭიროებას დაინახავენ, მასშტაბებსაც გაზრდიან. 

გეგმაში სხვადასხვა საინტერესო სპიკერის მოწვევაც აქვთ.

შეხვედრების დროს ერთად ეცნობიან არაერთ ღირებულ, საინტერესო და მნიშვნელოვან ინფორმაციას თავიანთი მომავლისთვის. ერთი ნაწილი ონლაინაა ჩართული, ხოლო მთავარი, ბირთვული ახალგაზრდები აქტიურად სტუმრობენ ოზურგეთის ტექნოპარკს პროდუქტიული მუშაობისთვის. 

ზურას თქმით, მოსწავლეებიც, რომლებიც ონლაინ სწავლებაზე არიან, იღებენ სათანადო და ზუსტ ინფორმაციას თავიანთი განვითარებისთის.

მეკო თალაკვაძე და ზუკა ანდღულაძე

“პატარაობიდან მქონდა სურვილი, რომ, როცა გავიზრდებოდი და გავხდებოდი უკვე დიდი, დავამთავრებდი უნივერსიტეტს და ავიწყობდი ცხოვრებას, გავაკეთებდი რაღაც ბიზნესს, ვიქნებოდი ფინანსურად დამოუკიდებელი. ეს პროექტი მაძლევს საშუალებას, არ დაველოდო ზრდასრულობას, სასწავლებლის დასრულებას, ხელსაყრელ მომენტს და უკვე მქონდეს ჩემი საქმე. რაზეც ვფიქრობ, რომ ძალიან კარგია. მით უმეტეს, ამ გუნდში ზურა არის ჩვენი ტოლი და გასაგებად ხსნის ყველაფერს, რაც დიდი ბედნიერებაა. პარალელურად, არაერთი საინტერესო, მრავალფეროვანი, ერთმანეთისგან განსხვავებული, ძლიერი, შრომისმოყვარე, გამგები და მეგობრული ახალგაზრდა გაგვაერთიანა.” – მოვისმინე მეკო თალაკვაძისგან, რომელიც მომავალი ბიზნესის წარმამადგენელთაგან ერთ-ერთია.

“მადლობის გარდა  არაფერი გვაქვს სათქმელი. მეორე საჯარო სკოლაც და ოზურგეთის ტექნოპარკიც მაქსიმალურად გვიდგანან გვერდში, რათა ჩვენი მიზნები რეალობად ვაქციოთ. ჩვენთვის თავისუფალი სივრცე, თანამოაზრეებთან კავშირი და ინტერნეტთან წვდომა საკმარისია, მივიღოთ სათანადო ცოდნა ჩვენივე განვითარებისათვის.” – ზუკა ანდღულაძე.

ბოლოს მინდა ავღნიშნო, რომ “ვორქლაბი” ერთ თვესაც არ ითვლის და ვუსურვებ ისეთ მრავალფეროვან და საინტერესო მომავალს, რომელიც თავის წევრებს გააბედნიერებს.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა ლალი ცეცხლაძემ  მოამზადა.

Funded through the Alumni Grants Program, U.S. Embassy in Georgia/დაფინასებულია საქართველოში აშშ-ის საელჩოს ალუმნი საგრანტო პროგრამის ფარგლებში