გურამიშვილის გამზირზე მომხდარ მკვლელობასთან დაკავშირებით არაოფიციალური ვერსია ვრცელდება. ერთ-ერთი ვერსიის თანახმად, გამოძიება მკვლელობისა და თვითმკვლელობის ვერსიაზე მუშაობს. კერძოდ კი, არაოფიციალური ინფორმაცით, გარდაცვლილი ახალგაზრდებიდან ერთ-ერთს იარაღი შემთხვევით გაუვარდა, რასაც მეორე ახალგაზრდის სიკვდილი მოყვა, ამის შემდეგ კი თავი მოიკლა. ერთ-ერთ ახალგაზრდას ტყვია შუბლში აქვს მოხვედრილი. ამასთან, სამართალდამცავებმა მკვლელობის იარაღი ადგილზე იპოვეს.
გურამიშვილის გამზირზე #78 კორპუსში მეზობლებს გუშინ ჩხუბის ან გასროლის ხმა არ გაუგიათ. ადგილობრივები ამბობენ, რომ გარდაცვლილებს არ იცნობდნენ. მეზობლები ასევე ამბობენ, რომ იმავე სახლში, სადაც მკვლელობა მოხდა, ერთ-ერთი მოკლულის ძმაც ცხოვრობდა.
შემთხვევის ადგილი საგამოძიებო მოქმედებების ჩატარების შემდეგ სამართალდამცველებმა დატოვეს. მომხდარზე გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებებში განზრახ მკვლელობას გულისხმობს.
ადგილობრივების ინფორმაციით, გურამიშვილის #78 კორპუსში მოკლული ორი ახალგაზრდის ცხედრები ერთ-ერთის მამამ ნახა.
interpressnews.ge
Loading ...