პატიმრობაში მყოფი საქართველოს მესამე პრეზიდენტი მიხეილ სააკაშვილი კლინიკა „ვივამედიდან” განცხადებას აქვეყნებს. ექსპრეზიდენტი წერს, რომ თავისუფლებისთვის ბრძოლას ბოლომდე აპირებს. სააკაშვილი საკუთარ თავს პოლიტპატიმრად მიიჩნევს.
„იმ ხალხის გასაგონად ვისაც ჩემთვის სიტყვა „თავისუფლება” არ ემეტება და მხოლოდ „ადეკვატური მკურნალობით” იფარგლება.
მეგობრებო, მე აქ სამკურნალოდ არ ჩამოვსულვარ. თავი გავწირე ქვეყნის გადასარჩენად. თქვენც ხომ კარგად იცით, რომ სრულიად ყალბი ბრალდებებით ვარ „გასამართლებული” და თავიდან ბოლომდე პოლიტიკური პატიმარი ვარ.
მე დარწმუნებული ვარ, რომ ქართველი ხალხი მაინც გამათავისუფლებს და თქვენგანაც ველი მეტ გამბედაობას.
ბოლოსდაბოლოს ევროპარლამენტი, პოლონეთის და ლიტვის სეიმები, საფრანგეთის და უკრაინის პრეზიდენტები ითხოვენ ჩემს გათავისუფლებას.
მე ერთი წუთით არ ვეგუები ამ უსამართლო, პუტინის პირად პატიმრობას!
ვაპირებ ბოლომდე ბრძოლას თავისუფლებისთვის და თქვენი იმედი მაქვს ასევე”, – ვკითხულობთ მიხეილ სააკაშვილის სახელით, „ფეისბუკზე”, მის ოფიციალურ გვერდზე გამოქვეყნებულლ განცხადებაში.
12 მაისს ცნობილი გახდა, რომ სტრასბურგის სასამართლომ უარი უთხრა მიხეილ სააკაშვილს დროებით ღონისძიებად ვარშავაში სამკურნალოდ გადაყვანაზე.
Loading ...