საქართველოს მესამე პრეზიდენტის მიხეილ სააკაშვილის დედის, გიული ალასანიას განცხადებით, როდესაც ის მიხეილ სააკაშვილის მოსანახულებლად გორის ჰოსპიტალში იმყოფებოდა, სააკაშვილმა აქციაზე მიმავალ კოლონას კლინიკის ფანჯრიდან საკუთარი ხელით დახატული დროშა დაუქნია, რა დროსაც ფანჯრის რაფიდან მისი ჩამოყვანა ბადრაგებმა სცადეს.
ამის შესახებ ალასანიამ გორის ჰოსპიტალის დატოვების შემდეგ ჟურნალისტებთან საუბრისას განაცხადა და სააკაშვილის წერილიცწ აიკითხა, სადაც ის მომხდარის დეტალებზე წერს და ამბობს, რომ ციხის ბადრაგები საოკუპაციო რეჟიმის მსახურები არიან.
„დედაჩემის თვალწინ ბადრაგმა სცადა ჩემი ფანჯრის რაფიდან ძალით ჩამოყვანა მხოლოდ იმიტომ, რომ ხალხს საკუთარი ხელით დახატული და თავის დროზე ჩემი შემოღებული საქართველის დროშა დავუქნიე. ვერ ჩამომიყვანეს ჩემი წინააღმდეგობის გამო. ეს ხალხი ჩემს თვალში საქართველოს არ ემსახურებიან. საოკუპაციო რეჟიმის მსახურები არიან. საქართველოს დროშის დანახვაზე ასეთი რეაქცია არ უნდა ჰქონდათ. ძირს საოკუპაციო ხელისუფლება, გაუმარჯოს თავისუფალ საქართველოს!“,- აღნიშნულია სააკაშვილის წერილში.
Loading ...