მიწისძვრის ეპიცენტრი შეიცვალა – ბოლო ცნობები გურიიდან

ოზურგეთის მუნიციპალიტეტში საქართველოს დროით 19:33 საათზე 4.5 მაგნიტუდის მიწისძვრა მოხდა. მიწისძვრის ეპიცენტრი  კურორტ ბახმაროდან 3კმ-ში იყო.

თავდაპირველად გაავრცელა ინფორმაცია, რომ 4.5 მაგნიტუდის სიმძლავრის მიწისძვრის ეპიცენტრი ქალაქი ოზურგეთიდან 7კმ-ში, სოფელ ვაკიჯვარში იყო.

როგორც სოფელ ვაკიჯვარში მუნიციპალიტეტის მერის წარმომადგენელმა , დავით ჩავლეშვილმა გვითხრა მიწისძვრის შემდეგ სოფელში სიმშვიდეა. სოფლის წარმომადგენლისთვის არავის მიუმართავს. ჩავლეშვილის თქმით სოფელში არცერთი სახლი არ დანგრეულა, არავინ დაშავებულა. რაც შეეხება მცირე დაზიანებებს, ამაზე დეტალური ინფორმაცია ხვალ ექნება.