იტალიაში, მილანთან ახლოს, “არსენალის” ფეხბურთელი, პაბლო მარი დაჭრეს, – ინფორმაციას ცნობილი სპორტული ჟურნალისტი ფაბრიციო რომანო ავრცელებს.
ჟურნალისტი წერს, რომ “არსენალის” ცენტრალური მცველი, ამჟამად “მონცაში” იჯარის წესით მოთამაშე, 29 წლის მარი სავაჭრო ცენტრში დაჭრეს. მედიაში გავრცელებული ინფორმაციით, ფეხბურთელის მდგომარეობა სტაბილურია.
მილანთან ახლოს მდებარე სავაჭრო ცენტრში მამაკაცმა ექვსი ადამიანი ცივი იარაღით დაჭრა. მათგან ერთ-ერთი გარდაიცვალა. კიდევ სამი მძიმე მდგომარეობაშია. ინციდენტი სუპერმარკეტ „კარფურში“ მოხდა. დაღუპული მარკეტის მოლარეა.
გამოძიება ცდილობს, დაადგინოს, რა იყო დამნაშავის მოტივი.
თავდამსხმელი დაკავებულია. ის 46 წლის იტალიის მოქალაქეა. წინასწარი ცნობით, მან სავაჭრო ცენტრში მყოფი პირები მაღაზიის დახლიდან აღებული დანით დაჭრა.
მომხდარი შემდეგ, სავაჭრო ცენტრიდან მოქალაქეების ევაკუაცია განხორციელდა.
Loading ...