„დროას“ ლიდერი ელენე ხოშტარია მთავრობის ადმინისტრაციასთან დააკავეს. მან კანცელარიის შენობას კეტჩუპი შეასხა და ბრინჯი შეაყარა.
„დროას“ ინფორმაციით, ელენე ხოშტარიამ აღნიშნულით გააპროტესტა, ქართული პროდუქციის ექსპორტი რუსეთში .
როგორც “დროას” ლიდერმა ელენე ხოშტარიამ სოციალურ ქსელში დაწერა, მისი დაკავებაც სწორედ იმ მიზეზით მოხდა, რომ მთავრობის ადნინისტრაციის შენობას “რუსული კეტჩუპი შეასცხა”.
„კანცელარიას შევასხი რუსული კეჩუპი და დავყარეთ რუსული ბრინჯი. დამიჭირეს. თქვენც მიდით დაყარეთ“, – წერს ელენე ხოშტარია.
როგორც ცნობილია, ასევე დაკავებულია „დროას“ რამდენიმე წევრი.
შეგახსენებთ, სურსათის ეროვნულმა სააგენტომ ქართული ცხოველური წარმოშობის პროდუქციის ექსპორტთან დაკავშირებით ინფორმაცია გაავრცელა, რომელშიც ნათქვამია, რომ ქართული აგრარული პროდუქციის მსოფლიო ბაზრებზე ექსპორტის გაზრდის უზრუნველსაყოფად, აქტიური მუშაობა მრავალი წელია მიმდინარეობს. სურსათის ეროვნული სააგენტო მოლაპარაკებებს აწარმოებს არაერთ ქვეყანასთან, მათ შორის, ერთი კვირის წინ წარმატებით დასრულდა მოლაპარაკებები საუდის არაბეთთან. 2020 წლიდან მოლაპარაკებები მიმდინარეობდა რუსეთის ფედერაციის მხარესთანაც, რომლის საფუძველზე, მიღებულ იქნა გადაწყვეტილება, ქართული ცხოველური წარმოშობის პროდუქციის ექსპორტის დაშვებასთან დაკავშირებით, რუსეთის ფედერაციასა და სხვა ქვეყნებში.
Loading ...