მთავრობის ადმინისტრაციასთან, მდუმარე აქცია – „უთხარი არა აზარტულ თამაშებს“ მიმდინარეობს

მთავრობის ადმინისტრაციასთან, მდუმარე აქცია – „უთხარი არა აზარტულ თამაშებს #სანდრიკასთვის“ მიმდინარეობს.

აქციის ორგანიზატორების თქმით, მისი მიზანია, ხმა მიაწვდინონ ხელისუფლებას და საზოგადოებას, აზარტული თამაშების მავნებლობის შესახებ.

აქციის მონაწილეების თქმით, ხელისუფლებამ უნდა დააწესოს რეგულაციები აზარტულ თამაშებზე.

“ეს აქცია დავგეგმეთ სანდროს ოჯახის წევრებმა და მეგობრებმა იმისთვის, რომ შეგვეხსენებინა ხელისუფლებისთვის და ზოგადად ჩვენი მოსახლეობისთვის, რომ აზარტული თამაშები არის ცუდი და გვინდა ხელისუფლებამ მოაქციოს ჩარჩოებში და რეგულაციები დაწესდეს აზარტულ თამაშებთან მიმართებაში. სანდრიკას ტრაგედიამ და ამ საღმა აზრმა გაგვაერთიანა ადამიანები, რომ რაღაცნაირად მივაწვდინოთ ხმა ხელისუფლებას, რომ ამ ყველაფრით სხვა ადამიანები და ჩვენი მიმავალი თაობა გადავარჩინოთ. მთავრობის მხრიდან რაღაც ნაბიჯები, დიალოგის და გასაუბრების კუთხით უკვე არის და მოლოდინი არის ის, რომ მთავრობაც გაითვალისწინებს ჩვენს აზრს”, – განაცხადა გიორგი ბერაძემ.

www.interpressnews.ge