მთავრობამ 8 მუნიციპალიტეტს დამატებით ₾14.3 მლნ გამოუყო – მათ შორისაა ჩოხატაურიც

საქართველოს მთავრობამ 8 მუნიციპალიტეტს დამატებით 14.3 მლნ ლარი გამოუყო. ამის შესახებ ირაკლი კობახიძის მიერ ხელმოწერილი განკარგულებიდან ირკვევა.

დოკუმენტის მიხედვით, 2024 წლის ბიუჯეტით გათვალისწინებული ღონისძიებების შეუფერხებელი დაფინანსების მიზნით, საქართველოს ფინანსთა სამინისტრომ „საქართველოს 2024 წლის სახელმწიფო ბიუჯეტის შესახებ“ საქართველოს კანონის მე-17 მუხლით გათვალისწინებული მუნიციპალიტეტებისთვის გადასაცემი ტრანსფერიდან, დროებითი ფინანსური დახმარების სახით, არაუმეტეს 14 300 000 ლარისა გამოუყოს მუნიციპალიტეტებს:

• ქუთაისის მუნიციპალიტეტს: არაუმეტეს 4 მლნ ლარისა;
• მესტიის მუნიციპალიტეტს: არაუმეტეს 1.5 მლნ ლარისა;
• ზუგდიდის მუნიციპალიტეტს: არაუმეტეს 3 მლნ ლარისა;
• გარდაბნის მუნიციპალიტეტს: არაუმეტეს 4 მლნ ლარისა;
• წალენჯიხის მუნიციპალიტეტს: არაუმეტეს 500 000 ლარისა;
• ჩოხატაურის მუნიციპალიტეტს: არაუმეტეს 300 000 ლარისა;
• ჭიათურაში მუნიციპალიტეტს: არაუმეტეს 500 000 ლარისა;
• დედოფლისწყაროს მუნიციპალიტეტს: არაუმეტეს 500 000 ლარისა;

2024 წლის სახელმწიფო ბიუჯეტის კანონის მე-17 მუხლის მიხედვით, ავტონომიურ რესპუბლიკებსა და მუნიციპალიტეტებისთვის გადასაცემი ტრანსფერი 555 მილიონ 850 ათას ლარს შეადგენდა.აქედან 500 მლნ ლარი თბილისის მუნიციპალიტეტისთვისაა გამოყოფილი, 16 მლნ ლარი აფხაზეთის ავტონომიურ რესპუბლიკისთვის.

www.bm.ge