“მთავარი არხის” ინფორმაციით, მიხეილ სააკაშვილი, სავარაუდოდ, ისევ რუსთავის ციხეშია

“მთავარი არხის” ინფორმაციით, სავარაუდოდ, საქართველოს მესამე პრეზიდენტი მიხეილ სააკაშვილი ისევ რუსთავის ციხეშია და მისი ეტაპირება გამთენიას განხორციელდება.

ამ საკითხზე ოფიციალურ განცხადებას არ ავრცელებს არც იუსტიციის სამინისტრო და არც პენიტენციური სამსახური. საკითხზე ინფორმაცია არ აქვს არც მიხეილ სააკაშვილის დედას, გიული ალასანიას და მესამე პრეზიდენტის თანამებრძოლს, გიორგი ჩალაძეს.

მანამდე გავრცელდა ინფორმაცია, რომ მიხეილ საკააშვილი რუსთავის ციხიდან გამოიყვანეს და ვივა მედში გადაიყვანეს, თუმცა ეს ცნობები არ დადასტურდა.