ჩრდილოეთ ამერიკის ეპისკოპოსს, საბა ინწკირველს კორონავირუსი COVID-19 არ დაუდასტურდა. მეუფე საბამ ფეისბუკზე გამოაქვეყნა ვიდეომიმართვა და აშშ-ში ჩატარებული გამოკვლევის ამსახველი დოკუმენტი.
ეპისკოპოსმა ტესტირება რამდენიმე დღის წინ ჩაიტარა ინფიცირებულთან კონტაქტის გამო.
მეუფე საბა ვიდეომიმართვაში აღნიშნავს, რომ კორონავირუსით ინფიცირება დაუდასტურდა ნიუ-იორკში მოღვაწე სასულიერო პირს, მამა სპირიდონ ნარსიას: „იცით, რომ ნიუ–იორკი ეპიცენტრია. არ ვიცით, საიდან დაინფიცირდა, ვისთან ჰქონდა შეხება, თუმცაღა წინა შაბათ–კვირას მას მსახურება არ ჩაუტარებია და სახლის პირობებში გადის მკურნალობას”.
მანამდე COVID-19 დაუდგინდა საქართველოს ეკლესიის ჩრდილოეთ ამერიკის ეპარქიის სასულიერო პირს, დეკანოზ იოსებ მინდიაშვილს.
კომენტარები
Loading ...