ჭყონდიდის ეპარქიის ახალი მიტროპოლიტის, მეუფე გრიგოლის განცხადებით, პატრიარქს პეტრე ცაავასთვის ეპარქიის შეცვლა სამი წლის წინ სურდა:
“სადღაც მგონი, 2017 წელს უწმინდესმა ბრძანა, რომ უნდა შევუცვალოთ ეპარქია მეუფე პეტრეს.
იმ დროს სინოდმა სთხოვა პატრიარქს, თუ შეიძლება, რომ ახალა მივცეთ გაფრთხილებაო.
ერთი, ორი, სამი, გავიდა 5 სინოდი და იმის მერე ასეთი სიტუაციაა”, _ განაცხადა მეუფე გრიგოლმა ჟურნალისტებთან საუბრისას.
შეგახსენებთ, რომ წმინდა სინოდმა პეტრე ცაავა მღვდელმთავრობიდან 31 ოქტომბერს გადააყენა. პატრიარქის გადაწყვეტილებით იგი შიომღვიმის მონასტრეში სინანულისთვის უნდა წავიდეს, თუმცა, ცაავა იქ წასვლას არ აპირებს და ამბობს, რომ მისი “პირადი კანონებით” იცხოვრებს.
“საპატრიარქოდან დამიკავშირდა ქორეპისკოპოსი, მიტროპოლიტი თეოდორე და გადმომცა კათალიკოს პატრიარქის დანაბარები _ მე ვფიქრობო, რომ უმჯობესია, წამოვიდეს ეპარქიიდან და იყოს სხვაგან.
ხვალ გამოგზავნიან რამდენიმეკაციან ჯგუფს, რომელიც ჩვენთან ინვენტარიზაციას გააკეთებს და გადაიბარებენ ეპარქიას.
შიამღვიმეში არ მივდივარ. სავარაუდოდ, ვიქნები თბილისში, სადაც გავაგრძელებ მოღვაწეობას.
ვიცხოვრებ ჩემი პირადი კანონებით, როგორც ბერს მაქვს ჩემი კანონები ასე ვიცხოვრებ, ღვთისთვის სათნოდ” _ განაცხადა პეტრე ცაავამ.
Loading ...
