“მერცხალმა” გაიმარჯვა და ლიგაში ადგილი გაიმყარა

საქართველოს საფეხბურთო ჩემპიონატის მეოთხე ლიგაში ოზურგეთის “მერცხალმა”  საკუთარ მოედანზე “გაგრა 2”-ს უმასპინძლა და მეტად საჭირო გამარჯვება მოიპოვა.

“მერცხალი” მთელი მატჩის განმავლობაში უკეთ გამოიყურებოდა და პირველივე ტაიმში დაწინაურდა 2:0. ორივე გოლი თენგიზ ალიევმა გაიტანა მე-16 და 36-ე წუთებზე.

საბოლოოდ მატჩი პირველი ტაიმის ანგარიშით დასრულდა 2:0. “მერცხალმა” ამ გამარჯვებით 34 ქულა დააგროვა და მეათე ადგილზე გადაინაცვლა. თუმცა გასავარდნ ზონაში მყოფი “ვიტ ჯორჯია 2”-გან კვლავ 3 ქულა აშორებთ.

მორიგ შეხვედრას ოზურგეთელები კვლავ სახლში, 20 ნოემბერს გამართავენ და “სამგურალ 2”-ს დაუპირისპირდებიან.