2022 წელს მეორეული ტანსაცმლის, ფეხსაცმლისა და აქსესუარების გაყიდვებმა მსოფლიო ბაზარზე 28%-ით მოიმატა, რაც $177 მილიარდიან ზრდას აღნიშნავს.
გლობალური გაყიდვების მნიშვნელოვნად მომატების მიზეზი მზარდი ინფლაცია გახდა, რითაც მრავალმა საცალო მოვაჭრემ ისარგებლა. ამასთან, უფრო მეტი ადამიანი ინტერესდება ეკოლოგიურად სუფთა მასალით შექმნილი ტანსაცმლის მოხმარებით, რაც ასევე ზრდის მეორეული საქონლის ინდუსტრიას.
ThredUp-ის ანგარიშის თანახმად, რომელიც საცალო გაყიდვების ანალიტიკური ფირმის, GlobalData-ს, კვლევებს ეყრდნობა, 2027 წლისთვის მეორეული ტანსაცმლის მსოფლიო ინდუსტრიაში გაყიდვები, სავარაუდოდ, გაორმაგდება და $351 მილიარდს მიაღწევს.
გლობალურად მოდის კომპანიები ცდილობენ, წარმოებაში შეამცირონ სათბურის გაზების გამოფრქვევა, რისთვისაც ერთ-ერთი სტრატეგია ტანსაცმლის ხელახალი გაყიდვაა. ამ გზით ისინი დამატებით შემოსავალსაც მიიღებენ, ზედმეტი წარმოება კი საჭირო აღარ გახდება.
მეორეული ტანსაცმელი ყველაზე მეტად Gen Z-ის თაობას იზიდავს. GlobalData-ს კვლევის თანახმად, დაახლოებით 3000 ამერიკელისგან, რომელმაც განაცხადა, რომ მეორეულ ტანსაცმელს ყიდულობდა, 83% Gen Z-ის წარმომადგენელი იყო.
Loading ...
