მელიტოპოლში ოკუპანტებმა 14 ტონა ჰუმანიტარული დახმარება მოიპარეს

მელიტოპოლში დამპყრობლებმა გაიტაცეს ავტობუსები 14 ტონა ჰუმანიტარული დახმარებით.

ამის შესახებ უკრაინის  ვიცე-პრემიერმა, მინისტრმა  ოკუპირებული ტერიტორიების რეინტეგრაციის საკითხებში ირინა ვერეშჩუკმა ვიდეომიმართვაში განაცხადა.

მისი თქმით, ჰუმანიტარული დახმარებით დატვირთული 12 ავტობუსი ადამიანების ევაკუაციისთვის დღეს მელიტოპოლში  ჩავიდა.

“მთელი ჰუმანიტარული დახმარება საოკუპაციო ჯარებმა წაიღეს – ეს არის 14 ტონა საკვები და წამალი. ჩვენ მოლაპარაკებას ვაწარმოებთ  ავტობუსების დასაბრუნებლად რომ მელიტოპოლის მცხოვრებლების ხვალ ზაპოროჟიეში წაყვანა შევძლოთ”, – განაცხადა ვერეშჩუკმა.

წყარო: უკრაინული გამოცემა “Unian”