დღეს პენტაგონი უკრაინისთვის 675 მილიონი დოლარის ღირებულების სამხედრო დახმარების პაკეტის გამოყოფის შესახებ განაცხადებს. აღნიშნულის შესახებ ინფორმაციას, ოფიციალურ პირზე დაყრდნობით „ვაშინგტონ პოსტი“ ავრცელებს.
როგორც მედია წერს, დახმარების პაკეტი მოიცავს დამატებით ჭურვებს HIMARS-ის სისტემებისთვის, ასევე სხვადასხვა აღჭურვილობას სამხედროებისთვის.
როგორც ცნობილია, დღეს გერმანიაში რამშტეინის ფორმატის სახელწოდებით შექმნილი საკონტაქტო ჯგუფის შეხვედრა იგეგმება, რომელშიც ნატო-ს და მსოფლიოს სხვა ქვეყნების თავდაცვის მინისტრები მიიღებენ მონაწილეობას.
ამასთან, უკრაინული მედიის ცნობით, პენტაგონი ამზადებს დეტალურ ანალიზს და გეგმას უკრაინის არმიის მხარდასაჭერად საშუალო და გრძელვადიან პერსპექტივაში, მათ შორის რუსეთთან ომის დასრულების შემდეგ. როგორც მედია იუწყება, ანალიზი მოიცავს უკრაინის საჭიროებების პირველად მიმოხილვას მოდერნიზებული საჰაერო ძალებისა და შვეულმფრენების მიმართ, რომლებიც მოძრავ სახმელეთო ძალებს უჭერენ მხარს.
Loading ...