მედიაში თბილისში მომხდარი მკვლელობის ამსახველი კადრები ვრცელდება – ვიდეო

მედიაში ვრცელდება დღეს სარამოს თბილისში, გოგებაშვილის ქუჩაზე მომხდარი სროლის კადრები, რომლის დროსაც ერთი პირი დაიღუპა, ორი კი დაიჭრა.

კადრებში ჩანს, როგორ ესროლა თავდამსხმელმა საბა გახოკიამ ბიზნესმენ გიჩო მარგველაშვილს, რის შემდეგაც სისხლიან გარჩევაში არაერთი პირი ჩაერთო, მათ შორის მარგველაშვილის დაცვა, რომელმაც გახოკიას საპასუხოდ ესროლა და მისი ლიკვიდირება მოახერდა.

ცნობილია, რომ მომხდარის შედეგად 2 პირი დაიჭრა – ერთი თავად გიჩო მარგველაშვილი და მეორე – მაღაზიაში მყოფი რიგითი მოქალაქე.

სისხლიანი გარჩევის სავარაუდო მოტივი წარსულში მომხდარი დაპირისპირებაა.

შინაგან საქმეთა სამინისტრომ მომხდარზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.