მეგობრობა თუ აკრძალული ვნება? როცა მეგობარი დაოჯახებულია…

ქალსა და დაოჯახებულ კაცს შორის მეგობრობა ყოველთვის იწვევს კითხვას: სუფთა მეგობრობაა ეს თუ აკრძალული გრძნობა, რომელიც ნელ-ნელა ჩნდება?

ფსიქოლოგიაში ცნობილია ტერმინი mate-choice copying – როცა ადამიანი უფრო მიმზიდველი გვგონია მხოლოდ იმიტომ, რომ უკვე „შერჩეულია“ სხვის მიერ.
2008 წელს ოკლაჰომას უნივერსიტეტში ჩაატარეს კვლევა, რომელმაც აჩვენა, რომ ქალების 70%-ს უფრო მიმზიდველად ეჩვენება მამაკაცი, როცა ის უკვე დაოჯახებულია, ვიდრე თავისუფალი.

მეცნიერების აზრით ამას რამდენიმე მიზეზი აქვს.

სტაბილურობის ხიბლი
დაოჯახებული მამაკაცები ხშირად უფრო მშვიდად და თავდაჯერებულად გამოიყურებიან. მათ აქვთ ოჯახის გამოცდილება, პასუხისმგებლობა, რაც არაცნობიერად იზიდავს ქალს.

აკრძალულის ეფექტი
მეცნიერები ამბობენ, რომ ტვინი აკრძალულს სხვანაირად აღიქვამს – როცა რაღაც მიუწვდომელია, ნეიროქიმიური დონეზე უფრო ძლიერ ემოციურ მუხტს იწვევს. აკრძალული სურვილი ხშირად უფრო ძლიერია, ვიდრე ნამდვილი სიყვარული.

რა საფრთხეები არსებობს?

ემოციური ჩიხი – კვლევების მიხედვით (Psychology Today, 2019), დაოჯახებულ მამაკაცთან რომანში ჩართული ქალების 75% საბოლოოდ მარტო რჩება, რადგან კაცი იშვიათად ტოვებს ოჯახს, რადგან უჭირს უკვე აწყობილი და შექმნილი ურთიერთობის დანგრევა, თუნდაც ის პრობლემური იყოს.
დამანგრეველი შედეგები – ასეთ ურთიერთობაში ყველაზე მეტად ზარალდებიან არა მხოლოდ პარტნიორები, არამედ შვილებიც. ოჯახური თერაპიის სპეციალისტების თქმით, ასეთ სიტუაციებში ბავშვებში იზრდება შფოთვისა და ნდობის პრობლემების რისკი.

გამოსავალი

ფსიქოლოგები გვირჩევენ, პირველ რიგში საკუთარ თავში ვეძებოთ პასუხი: „რატომ მიზიდავს ის, ვინც ჩემთვის მიუწვდომელია?“
ხშირად ეს შინაგან მარტოობასა და თვითშეფასების დეფიციტზე მიუთითებს.

თუ მეგობრობა ძვირფასია, აუცილებელია საზღვრების დაცვა. რადგან იქ, სადაც იწყება აკრძალული ვნება, მეგობრობა იშვიათად გადარჩება.

marao.ge