მეგი ბაქრაძის საქმეში, მოწმეები ყალბ ჩვენებებს აძლევენ – ადვოკატი

მეგი ბაქრაძის საქმეში, მოწმეები ყალბ ჩვენებებს აძლევენ – ამის შესახებ “მთავარი არხის” ვებგვერდს 27 წლის გარდაცვლილი ექთნის, მეგი ბაქრაძის ოჯახის ადვოკატმა, ვახო ბარამაშვილმა უთხრა. ამბობს, რომ საქმესთან დაკავშირებულ მნიშვნელოვან დეტალებს ხვალ გაასაჯაროებს. 

მანამდე კი, როგორც ახალციხეში გარდაცვლილი ექთნის, მეგი ბაქრაძის ოჯახმა და ადვოკატებმა დღეს, 6 აპრილს თქვეს, საქმის გამოძიება მიზანმიმართულად ჭიანურდება. მეგი ბაქრაძის ბიძა, ტარიელ ჭანტურია, არ გამორიცხავს, რომ პროცესში სახელმწიფოს ინტერესები იკვეთებოდეს.

27 წლის მედდა ახალციხის კლინიკა “იმედში” 18 მარტს აცრეს, ის რამდენიმე წუთში კომაში ჩავარდა. პაციენტი 19 მარტს თბილისში, პირველ საუნივერსიტეტო კლინიკაში გარდაიცვალა. გარდაცვალების საქმესთან დაკავშირებით გამოძიება შინაგან საქმეთა სამინისტრომაც დაიწყო.

mtavari.tv