მდიდარი ბრიტანელები ადრეული ვაქცინაციისთვის არაბთა გაერთიანებულ საემიროებში მიემგზავრებიან

მდიდარი ბრიტანელები კოვიდ-19-ის საწინააღმდეგო ვაქცინის გასაკეთებლად არაბთა გაერთიანებულ საემიროებში ჯავშნიან ადგილებს, რათა საკუთარ ქვეყანაში ვაქცინაციისთვის ლოდინი არ დასჭირდეთ, რამდენადაც დიდი ბრიტანეთი ვაქცინაციას ჯერჯერობით მხოლოდ მცირე ჯგუფებს სთავაზობს.
არაბთა გაერთიანებულ საემიროებში ვაქცინის 2 დოზის დაჯავშნა სულ უფრო პოპულარული ხდება მდიდარ ბრიტანელებში და ამ მომსახურების მისაღებად ისინი პირად კონსიერჟებს აქტიურად მიმართავენ. 
“დუბაი და აბუდაბი უკვე სთავაზობენ Pfizer-ის ვაქცინას კომერციულად სპეციალურ კლიენტებს”-, აცხადებს სტიუარტ მაკნეილი, რომელიც მსგავს მომსახურებას აწვდის კლიენტებს. მისი თქმით, მათი კომპანიის მომხმარებლების 20%-მა უკვე გადაწყვიტა, რომ გაფრინდეს და ვაქცინა იქ გაიკეთოს. ამ ეტაპზე საერთაშორისო ფრენები ბრიტანეთში აკრძალულია, თუმცა, დაშვებულია ბიზნეს ფრენები.
გაერთიანებულ საემიროებთან ერთად რუსეთი არის კიდევ ერთი მიმართულება, სადაც მდიდარი ბრიტანელები “სპუტნიკის ვაქცინის” გასაკეთებლად აპირებენ ჩასვლას.

www.bm.ge