მაშველებმა შემოქმედში მოზარდი გადაარჩინეს

ოზურგეთის მუნიციპალიტეტის სოფელ შემოქმედში მაშველებმა მდინარე ბჟუჟიდან მოზარდი გამოიყვანეს.

როგორც თვითმხილველები ამბობენ ახალგაზრდები შემოქმედში მოედანზე ბურთს თამაშობდნენ, ბურთი მდინარეში გადაუვარდათ. მოზარდიც სწორედ ბურთის გამოსატანად შევიდა მდინარეში, თუმცა ადიდებულმა მდინარემ იგი გაიტაცა. მაშველებმა მისი უვნებლად გამოყვანა შეძლეს.