მაშველებმა გომისმთაზე დაკარგული ახალგაზრდების ზურგჩანთები იპოვეს. როგორც ჩანს გზაში გადაადგილების დროს, ახალგაზრდებს ზურგჩანთები დაუსველდათ და ადგილზე დატოვეს.
დაკარგული ახალგაზრდების სამაშველო სამუშაოები კვლავ გრძელდება. თოვლის საფარი გომისმთასთან ახლო 3 მეტრს აღწევს, რაც კიდევ უფრო ართულებს სამაშველო სამუშაოებს.
ქარბუქის და გართულებული ხილვადობის გამო, ვერ ხერხდება სამაშველო სამუშაოებში ვერტმფრენის ჩართვა. ადგილზე მობილიზებულია ყველა საჭირო ტექნიკა და ფიზიკური ძალა, რომ რაც შეიძლება დროულად მოხდეს ახალგაზრდების გამოყვანა.
შეგახსენებთ, რომ დღეს დილით 112-ში ახალგაზრდა მამაკაცმა დარეკა, რომელიც შველას ითხოვდა. ოთხი ბოხვაურელი ახალგაზრდა გუშინ გომისმთაზე სანადიროდ წავიდნენ, მაგრამ ქარბუქში მოხვდნენ. წინასწარი ინფორმაციით დაღუპულია ერთი ახალგაზრდა მამაკაცი. ორის მდგომარეობა კი მძიმეა.
Loading ...