დღეს ლანჩხუთის მუნიციპალიტეტის საკრებულოს სხდომა გაიმართა, სადაც დღის წესრიგით გათვალისწინებული რამდენიმე საკითხი განიხილეს. დამტკიცდა ბიუჯეტიდან სოციალური დახმარების გაცემისა და მიღების წესი, ასევე ლანჩხუთის მუნიციპალიტეტის ქონების საპრივატიზაციო ობიექტების ნუსხა და ქონების პრივატიზაციის გეგმა.
სხდომაზე ხმაური მოჰყვა ოპოზიციის მიერ გამოთქმულ შეკითხვებსა და მოსაზრებებს. როგორც დეპუტატმა ”ნაციონალური მოძრაობიდან” კახა ასკურავამ განაცხადა, ოპოზიციას არაერთი მწვავე და მნიშვნელოვანი შეკითხვა ჰქონდა ლანჩხუთის მუნიციპალიტეტის მერის ალეკო სარიშვილის მიმართ, თუმცა დღეს ის სხდომას არ ესწრებოდა. კახა ასკურავა ფიქრობს, რომ მერმა სხდომაზე დასწრებას თავი მისი შეკითხვების გამო აარიდა.
”ჩემი შეკითხვები ეხებოდა 22 მილიონ ლარს და გამოცხადებულ ტენდერებს, რომლის შედეგადაც 11 სოფელს უნდა მიწოდებოდა წყალი ჯერ კიდევ ერთი წლის უკან. არცერთი ეს პროექტი დამთავრებული არაა, ზოგი არცაა დაწყებული, ნაწილი კი ახლა მიმდინარეობს. მერმა 7–8 სექტემბრის სტიქიას დააბრალა ამ პროექტის არჩაბარება. არადა იმ სოფლებში სადაც სტიქია არ მომხდარა, საერთოდ დაწყებულიც არაა პროექტი. ეს შეკითხვები უნდა მოესმინა მას, ზუსტად იცოდა რომ საკრებულოს სხდომაზე ამას გავაჟღერებდი და მას ამაზე არ ექნებოდა არანაირი პასუხი და დღეს საერთოდ არ დაესწრო სხდომას. ” – განაცხადა კახა ასკურავამ.
კომენტარები
Loading ...
