ქუთაისში ახალგაზრდა ქალის მკვლელობის ბრალდებით დაკავებულ ქალს ბრალს დღეს წარუდგენენ.
როგორც დაკავებულის ადვოკატმა ჟურნალისტებს განუცხადა, იგი მძიმე ფსიქოლოგიურ მდგომარეობაშია და მომხდარს ეტაპობრივად იხსენებს.
„ის არის მძიმე ფსიქიური სტრესის მდგომარეობაში. გარკვეულ დეტალებს ახლა იხსენებს. ამ დეტალების დაზუსტების მიზნით თანამშრომლობს გამოძიებასთან. რაც შეეხება აღიარების საკითხს, თვითინკრიმინირებასთან დაკავშირებით მოვლენებს წინ არ გავუსწრებ, არ დავარღვევ მის უფლებებს და თავს შევიკავებ კომენტარის გაკეთებისგან. დეტალები გაირკვევა საქმის მსვლელობის განმავლობაში. სიმართლის დადგენის სურვილი და ინტერესი ჩემი დაცვის ქვეშ მყოფსაც აქვს“, – განაცხადა ბრალდებულის ადვოკატმა ესმა ნორაკიამ.
ჟურნალისტი ბუბა ჩივაძე კი სოციალურ ქსელსი წერს, რომ დაკავებულმა განსაკუთრებული სისატიკით მოკლა ახალგაზრდა ქალი და ყველა ის ადამიანი უნდა დაისაჯოს, ვინც მომხდარს ეზოდან უყურებდა.
„ეს ქალი, განსაკუთრებული სისასტიკით, დანას ურტყამდა, ახრჩობდა, ჭრიდა, აკივლებდა ახლგაზრდა დედას. ხმა ესმოდა ყველას დიახ ყველას თუმცა არავინ მიეშველა… მოკლეს, დიახ მოკლეს… მასაჟისტმა ქალმა მოკლა ახალგაზრდა გოგო. რა უნდა უქნათ ყველას, ვინც ამ მკვლელობას ეზოდან უყურებდა? ხვალ დილამდე პასუხისგებაში უნდა იყოს ყველა მიცემული. დიახ ყველა უკლებლივ…”, – წერს ჩივაძე.
კომენტარები
Loading ...