ადამიანები, რომლებიც ეწევიან მარიხუანას, უფრო მეტად განიცდიან ფილტვების გარკვეული სახის დაზიანებას, ვიდრე ისინი, რომლებიც ეწევიან თამბაქოს. ამის შესახებ ახალ კვლევაშია ნათქვამია. წერს „ეიბისი ნიუსი“.
ოტავას ერთ-ერთი სამედიცინო დაწესებულების მკვლევრებმა კომპიუტერული ტომოგრაფიით ერთმანეთს შეადარეს მარიხუანას მწეველების, თამბაქოს მწეველების და არამწეველების ფილტვები.
კვლევამ აჩვენა, რომ ემფიზემის „ფილტვის დაზიანება, რომლის დროსაც ფილტვის ქსოვილის ელასტიკურობის დაქვეითებისა და განლევის შედეგად ფილტვები განიერდება და იქ ჭარბად გროვდება ჰაერი) სასუნთქი გზების ანთების და მკერდის გადიდებული ქსოვილის სიხშირე უფრო მაღალი იყო მარიხუანას მწეველებში, ვიდრე თამბაქოს მწეველებში.
ემფიზემა მარიხუანას მწეველთა 75%-ს ჰქონდა, თამბაქოს მწეველებს 70%-ზე ოდნავ ნაკლებს, ხოლო არამწეველებს მხოლოდ 5%-ს.
მედიკოსები წერენ, რომ ემფიზემა, ფილტვების ქრონიკული ობსტრუქციული დაავადების ფორმაა და სიკვდილის მესამე წამყვანი მიზეზია აშშ-ში.
„თქვენს ფილტვებში არის საჰაერო ტომრები, რომლებიც უფრო დიდი ხდება, ვიდრე უნდა. რაც უფრო დიდი ხდება, ისინი ნაკლებად ეფექტურია“, – აცხადებს კვლევის ერთ-ერთი ავტორი.
კვლევით დასტურდება, რომ მარიხუანას მწეველებს უფრო მეტი ემფიზემა ჰქონდათ, ვიდრე თამბაქოს მწეველებს.
ექიმების თქმით, არსებობს რამდენიმე მიზეზი, რის გამოც მარიხუანამ შეიძლება უფრო მეტი ზიანი მიაყენოს ფილტვებს, ვიდრე თამბაქომ.
„მარიხუანას მწეველები უფრო ღრმად სუნთქავენ და უფრო დიდხანს იკავებენ სუნთქვას, ამოსუნთქვამდე. თქვენ აერთიანებთ გამაღიზიანებელ ეფექტს უფრო ხანგრძლივი ექსპოზიციის და ამ ტოქსინების ღრმა ინჰალაციის დროს“, – აცხადებს მედიკოსი.
მასალა მოამზადეს მედიცინის დოქტორებმა ალისია ზელმერმა და ჯოი ლიუმ.
Loading ...