თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, კორონავირუსით ინფიცირებული ახალი პაციენტის ჯანმრთელობის მდგომარეობა ფასდება, როგორც საშუალო სიმძიმის.
მისივე თქმით, დანარჩენი პაციენტების მდგომარეობა სტაბილურია და დაავადების პროგრესირება არ აღინიშნება.
„შემოსული ახალი პაციენტის მდგომარეობა ჯერჯერობით გამოხატული კლინიკით მაინც ფასდება, როგორც საშუალო სიმძიმის. დღეს ჩაუტარდება მას დამადასტურებელი კვლევები კიდევ განმეორებით. დანარჩენი პაციენტების მდგომარეობა საბედნიეროდ სტაბილურია. სტაბილურია უკვე მეორე, მესამე დღეა, რაც იმის მიმანიშნებელი იქნება, რომ დაავადების პროგრესირება ალბათ არ მოხდება.
რამდენიმე ძველ პაციენტთან, სადაც გასულია ჩვენთან ყოფნის 12-13 დღე, უკვე შეიძლება ვილაპარაკოთ დასტაბილურებული სიტუაციის შემდეგ ალბათ გაუმჯობესებაზე. დანარჩენ პაციენტებში ჯერჯერობით სიტუაცია მართვადია, შეფასებით ნაწილში ლაბორატორიულად რაიმე მნიშვნელოვანი ცვლილებები არ ვლინდება, კლინიკაც გამოხატული არ პროგრესირებს და დიდი ალბათობით, დინამიკაში სიტუაცია უნდა იყოს დამაკმაყოფილებელი“ ,- აღნიშნა მარინა ეზუგბაიამ.
ეზუგბაიას ინფორმაციით, ამ დროისთვის თბილისის ინფექციურ საავადმყოფოში კორონავირუსით ინფიცირებული 29 პაციენტი წევს.
Loading ...