მარინა ეზუგბაიას ინფორმაციით, ინფექციურ საავადმყოფოში 27 პაციენტი რჩება​

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, 8 პაციენტზე ტესტის პასუხები მიიღეს და მათ კორონავირუსი არ დაუდგინდათ.

როგორც “ინტერპრესნიუსს” ეზუგბაიამ განუცხადა, ინფექციურ საავადმყოფოში ჯამში 27 პაციენტია.

“ამ დროისთვის ჩვენთან არის 27 პაციენტი. ახლა ზუსტად ნახევარი საათის წინ მოვიდა 8 პაციენტის პასუხი კორონავირუსის ტესტირებაზე და 8-ვე პასუხი უარყოფითია და ეს 8 პაციენტი გადავა საკარანტინო სივრცეში. ახლა დამთავრდა, 13 პაციენტზე კიდევ აიღეს ტესტები და პასუხების შედეგები იქნება ან ძალიან გვიან, ან დილით. 27 პაციენტი გვყავს, 8-ის პასუხი მივიღეთ, ეს 8 გადავა საკარანტინო სივრცეში, დარჩება -19. 19-დან აღებულია 13-ზე. პარალელურად კიდე პაციენტები შემოდიან”, – განაცხადა მარინა ეზუგბაიამ.

www.interpressnews.ge