მართლმადიდებელი ეკლესია წმინდა ნინოს ხსენების დღეს აღნიშნავს

დღეს მართლმადიდებელი ეკლესია წმინდა ნინოს ხსენების დღეს აღნიშნავს. ეს დღე წელიწადში ორჯერ აღნიშნება: 27 იანვარი მისი გარდაცვალების, ხოლო 1-ელი ივნისი წმინდა ნინოს საქართველოში შემოსვლის დღეა.

წმიდა ნინო წარმოშობით კაბადოკიის ქალაქ კოლასედან იყო. მისი მამა – ზაბულონი საფრანგეთის განმანათლებლად ითვლება. მოციქულთა სწორი ქალწული ნინო საქართველოში, დაახლოებით 323 წელს, ჯავახეთის მთებით შემოვიდა. მას თან ღვთისმშობლის მიერ ბოძებული ვაზის ჯვარი ჰქონდა.
წმიდა ნინოს ქადაგებით, საქართველოში ქრისტიანობა სახელმწიფო რელიგიად 326 წელს გამოცხადდა. ამ დროს სამეფო ტახტი მეფე მირიანსა და დედოფალ ნანას ეკავათ. წმინდა ნინოს ქართველთა განმანათლებლად და საქართველოს ციურ მფარველად მიიჩნევენ.

დღეს საზეიმო წირვა ქვეყნის ყველა მართლმადიდებლურ ტაძარში ჩატარდება.

კომენტარები