პარტია “ლელოს” თავმჯდომარე მამუკა ხაზარაძემ “ქართული ოცნების” თავმჯდომარეს, ირაკლი კობახიძეს სასამართლოში უჩივლა. ხაზარაძის ადვოკატმა ზვიად კორძაძემ თბილისის საქალაქო სასამართლოში სარჩელი დღეს შეიტანა.
“ჩვენგან შემოვიდა სარჩელი პატივის, ღირსებისა და საქმიანი რეპუტაციის შემლახავი ცნობების უარყოფის მოთხოვნით. შესაბამისად, ჩვენ ვითხოვთ ბატონი ირაკლი კობახიძისგან მის მიერ გავრცელებული ცრუ ცნობების უარყოფას”, – განაცხადა ზვიად კორძაძემ.
მისი თქმით, სარჩელი ეხება როგორც ხაზარაძის დადანაშაულებას ბიზნესების რეკეტში, ისე – ფულის გათეთრებასთან დაკავშირებულ ბრალდებებს.
მამუკა ხაზარაძემ კობახიძის წინააღმდეგ სარჩელის შეტანა 10 სექტემბერს დააანონსა. ხაზარაძე აცხადებს, რომ კობახიძე პროცესს “გარანტირებულად წააგებს”.
კომენტარები
Loading ...