მაიამი-ლონდონის თვითმფრინავი ატლანტის ოკეანის თავზე უკან დაბრუნდა იმის გამო, რომ მგზავრმა პირბადის გაკეთებაზე უარი თქვა

American Airlines-ის თვითმფრინავი, რომელიც მაიამიდან ლონდონში მიფრინავდა, უკან დაბრუნდა მაიამის აეროპორტში იმის გამო, რომ მგზავრმა უარი თქვა პირბადეს ტარებაზე.

FlightAware-ის ცნობით, თვითმფრინავი AAL38, რომელშიც 129 მგზავრი იყო, ოკეანეს თავზე უკან მობრუნდა გამგზავრებიდან დაახლოებით ერთი საათის შემდეგ. მაიამიში მას პოლიცია დახვდა. ინციდენტი ოთხშაბათს მოხდა, მაგრამ ამის შესახებ დეტალები მხოლოდ ახლა გახდა ცნობილი როგორც სხვა მგზავრების, ასევე თავად ავიაკომპანიის სიტყვებიდან, რომლებმაც მგზავრი იმ ადამიანების სიაში შეიყვანეს, რომლებსაც გამოძიების პერიოდში ეკრძალებათ American Airlines-ს თვითმფრინავებით ფრენა.

იმავე რეისის მგზავრმა, სტივ ფრიმანმა, ადგილობრივ მედიას განუცხადა, რომ ქალი მის უკან, ბიზნეს კლასში იჯდა.

“მას ბევრი სასმელი ჰქონდა და მე ცოტა ვნერვიულობდი. ტაბლოზე რამდენჯერმე აინთო ნიშანი,  რომ თვითმფრინავში პირბადის გარეშე ყოფნა არ შეიძლება. მე თითქოს ველოდი, რომ მსგავსი რამ მოხდებოდა,”  განაცხადა მან.

შედეგად, თვითმფრინავი მართლაც შემობრუნდა. მგზავრი,  ორმოც წელს  გადაცილებული ქალი, თვითმფრინავიდან ჩამოიყვანეს და პოლიციას გადასცეს.

დაბრუნებული რეისის დანარჩენი მგზავრები სხვა რეისებზე გადაანაწილეს.

აშშ-ს ფედერალური საავიაციო ადმინისტრაციის მონაცემებით, პანდემიის დაწყებიდან დღემდე თითქმის 6000 ინციდენტი დაფიქსირდა მგზავრებთან, რომლებმაც უარი თქვეს კოროვირუსული წესების დაცვაზე. მხოლოდ მიმდინარე წლის პირველ ორ კვირაში ავიაკომპანიებმა 151 ინციდენტი დააფიქსირეს. მათი უმეტესობა იმ მგზავრებს ეხებოდა, რომლებმაც უარი თქვეს პირბადის ტარებაზე.

www.bbc.com